Víctor Rodrigues doktoreak, Asuncion Klinikako Traumatologia zerbitzuburuak, Runners: lesioen prebentzioa hitzaldia eskainiko du asteazken honetan urriak 26 Topicen
Hitzaldia arratsaldeko 18:00etan hasiko da eta Asuncion Klinikaren Osasuna Kalean kanpainaren parte izango da
Running gero eta jarduera zabalduagoa da adin guztietako gizon eta emakumeen artean. Onura ugari ditu maila fisiko, emozional eta mentalean, baina gaizki praktikatuta era askotako lesioen iturri izan ohi da.
Víctor Rodrigues doktoreak, Asuncion Klinikako Traumatologia zerbitzuburuak, Runners: lesioen prebentzioa hitzaldia eskainiko du asteazken honetan, urriak 26, Tolosako Topic antzokian (Euskal Herria, 1, Tolosa). Bertan, pertsona bakoitzaren egoera fisikoaren, adinaren eta helburuen arabera, korrika egiteko aholku praktikoak eta gakoak emango ditu.
Hitzaldian honako gai hauek jorratuko dira: oinetakoen aukeraketaren garrantzia edo entrenamenduaren aurreko beroketa; kirol praktika honen inguruko mitoak; espezialistarengana noiz eta zergatik jo behar dugun eta runningaren praktikak gure gorputzean nola eragiten duen hobeto ulertzeko eta, ondorioz, modu kontziente eta iraunkorrean praktikatzeko aukera emango diguten beste gai batzuk ere. Sarrera librea izango da lekua bete arte.
Hitzaldia: Runners. Lesioen prebentzioa
Erakusketaria: Víctor Rodrígues doktorea, Asuncion Klinikako Traumatologia zerbitzuburua
Eguna eta ordua: Urriak 26, asteazkena, 18: 00etan
Lekua: Topic Antzokia (Euskal Herria, 1, Tolosa)
Sarrera librea lekua bete arte
Comments